دكترة ومصخرة !!

ترى اذونا الجمعية الطبية كل ساع ناطين مانبي احد يطق اطبائنا ما نبي احد يعضهم ولا حتى يخزهم !!
انا اقول سنعو ربعكم والحشيمة للي يحشم نفسه ….اطبائكم رايحين فيها …غباء , فساد , محسوبية , قلة اخلاق , شوفة حال , ضحالة فكر , سطحية بالتحليل , مستوى مهني متدني …الا من رحمه الله ….وتلقاه قاعد يشاور عقله انه يهاجر
ماكو اثنين بهالبلد يختلفون على انحطاط المستوى الطبي والاخلاقي لاطباء الصحة ومعاهم الخاص بعد …فلا تقعد الجمعية الطبية تسويلنا سالفة وصيحة واهم بالاصل ما سنعو ربعهم
شوفو الاسباب اللي خلت الناس تتهجم على الاطباء …شوفو ليش انطقو …مو بتسوونهم ملائكة غصب واهم ماحصلو حتى كتبة بارشيف
Advertisements

~ by bosale7 on May 18, 2007.

20 Responses to “دكترة ومصخرة !!”

  1. الرابط لمن ليس له رابط

    http://www.alwatan.com.kw/Default.aspx?MgDid=502449&pageId=26

  2. شدعوة يا بوصالح
    ويسع صدرك شوي على أطبائنا.. ترا هذولة يظلون اعيال البلد.. والله يعلم بحالهم ومعاناتهم.. أنا على فكرة ماني طبيب.. بس أقعد بديوانية فيها وايد أطباء ومحد منهم له علاقة بالجميعية الطبية ولا بأي قائمة من القوائم المرشحة فيها.. بس والله من كثر ما سمعت من مشاكلهم اكسرو خاطري وأشفقت عليهم.. والمشكلة إن محد راضي يسمعهم أو يلقيهم ويه.. حقيقة الله يلوم من لامهم ويعينهم على إلي أهم فيه.. أنا من جانبي أقترح على الحكومة أدزهم كلهم على حساب الدولة للعلاج في الخارج.. يمكن هذا يخفف من (آلام) معاناتهم (وسخونة) مشاكلهم:)
    والله يعافي مرضانا ومرضاكم

  3. تصدق بوصالح انا ما كنت ادري ان مستوى اطباءنا تدنى لي هالدرجة

    بس انت ادري كونك عايش في الكويت و تتعامل معاهم و ان شاء الله ما تحتاجهم

    لكن مقالة نبيل العوضي في الوطن قبل يومين عن اطباء الولادة في الكويت تشيب الراس

  4. بوغازي :

    حياك الله وتو مانورت الديوانية
    بس يا خوي حتى المرضى عيال البلد وما يرضيك اللي يصيرلهم من ورا الاطباء عيال البلد على قولتك

    لازم الواحد يكون منصف وما يجامل

  5. NYchick :

    هالشي معروف من زمان وفضايح العلاج بالخارج لازلنا متلثمين من ريحتها

    الوضع الطبي زبالة بمعنى الكلمة

    حمدي ربج انج بقطاع نيويورك ولا لو عندنا جان شالولج اللوز اذا حاشتج انفلونزا !!

  6. مساك الله بالخير
    long time i didnt comment here
    so i just came to say hi
    قاعدة أتفقد علي ربعي إللي لي خبر فيهم من زمان

  7. hi for da vinci as well 🙂

  8. Reema
    مشكورة على الزيارة
    مبين تأثير الغبار على الكويت كلها من اجمل حسناته زيارتك لنا
    شرفتي بيتك
    تحياتي
    دافنشي

  9. بوصالح
    الدكتور الكويتي
    من 25 سنة خبرة و صداقة مع البعض منهم تلقي الزين و هم ينعدون على الأصابع و تشوف الشين و اللى ما تقدر تجمعهم في جدور هريس….الكويتي دائما هو الأفضل و الأحسن على مستوي العالم و الدليل سمعتنا في كل الدنيا..الطبيب و غيره ما عنده احترام للمراجع او الطرف الثاني و يحسب اللى جاي يتعالج عنده غبى و ما يفهم و الدكتور يعرف احسن منه …اخلاق ما في و الدليل يكلمك من طرف خشمه لا و يسبك بعد و كنه هو وزير و انت تشتغل عنده…اي موظف و انا منهم نخدم الناس و لازم نحترمهم لا يتأفف منهم

    اسف بوصالح موضوعك ما ينطبق على الدختور فقط بل ينطبق على الجميع

    تحياتي
    الدختور المغرور
    دافي

  10. اول انا افرررح لى شفت دكتور كويتى

    استااانس

    ذاك اول

    عااد الله خيير ولا الحكومه واااى واااى ضيييم وظلالالايم

    يمكن الخاص يهون

    بس دكاتره الحكومه من صج ما يدورون وين الله قاطهم

    انا ما اعم اكيد فى زينين بس الاغلبيه

    ما يعرفون شى!

    المستوصفاات سوالفها اتشيب الراس

    وعااد مبارك والاميرى

    يشقون بطنك وانت صاحى

    يقولون الزايده وانت فيك غازات

    لوووووووووووووول

    والله انا اتكلم عن مواقف صارتلى شخصيا

    الواحد لازم يتثبت لى قطه الزمان على الحكومه ودكاترتنا

    والى يحرنى ان ما يقول ما اعرف !!

    ولا ابى اتأكد

    لالا علطوول يفتى من كيفه

    والله صاج بوصالح

  11. Яeema :

    وعليكم الهاي والرحمة

  12. da Vinci :

    والله وانت صاج … الحالة حالة

  13. charisma :

    ذكرتينا بايام الابتدائي 🙂

    تعليقج عجيب

    تحياتي

  14. و الله ذكرتني بسالفة صارت من 15 سنة تقريبا
    ياطويل العمر انا طقيت طبيب
    طبعا مو قلة ادب بس كانت عمتي بحالة خطره جدا جدا فطقيت الباب انا و خوي و دخلنا عليه و على اوله قام و جان يطق اخوي و صارت الهوشة على ما رجعنا البيت تاخرنا وايد كانت عمتي متوفيه و الحبيب يبينا ننطر و هو يسولف بالغرفة

  15. بوصالح
    ههههههه
    الله ايام الابتدائى لول
    شكوو شلون وين لمست هالشى
    :)))
    فهمنى

  16. انا مره صارلي موقف مع رئيس الجمعية الطبية بقيت العن خيره الخير..طبعا هالموقف من قبل ثمان سنوات اعتقد اذا غيروه مادري..

    انسان لا اسلوب لا منطق لا اتزان

    علشان جذيه لما تقولي الجمعية الطبية يطقني عقر بقر

    ===

    ومع هذا اصابيع ايدك ماهي سوا..في الخنين وفيه الخايس والخايس بيحوشة خياسه اللي يسويه بالاوادم وبيرد عليه عايدي

    ==

    مثلا فيه طبيب بعيادة الاسنان مالت الاطفال اللي ببنيد القار ياخي هذا ورده انسان محترم وخلوق وتقعد معا تحس براحة جنك قاعد مع واحد من ربعك

  17. Diver :

    الله يرحمها ويواريها الجنة انشالله

    والله يا اخوي الحال من بعضه بس انا كنت على شفا ضرب اكثر من طبيب …خيرها بغيرها 🙂

    =================
    charisma :

    ليش اني من الابتدائي ما رحت مستوصف … ذكرتيني فيه 🙂

    ================

    Krakatoa :

    اتفق معاك تماما ان اصابعك مو سوا ..لكن الاكثرية لمن ؟

    الله المستعان

    تحياتي

  18. بوصالح .. صبحك الله بالخير .. خل ينطقون يعني أطبائنا عادي ؟ حتى اذا غلطوا نطقهم ؟

  19. Abdullah :

    حيالله الاخ عبدالله
    شوف اخوي انا تماما ضد الضرب واستخدام الايدي بدل العقل …لكن تخيل انه حياتك وصحتك او حياة وصحة عزيز عليك بيد واحد مستهتر ومو محترم وفوق هذا متعالي … شنو بتسوي ؟

    يمكن تنسحب قبل لا يعالجك او يعالجه …طيب واذا ابتدى وقام يدهور صحتك او صحته وتبين لك انه قام يبربس فيك او فيه وبهدل عافيتك او عافيته …شنو بتسوي ؟

    اذا قدرت تمسك نفسك ..قولي علشان امسك نفسي
    نورت

  20. يحييك يا بوصالح .. انا انسان طبعي فيه من العصبيه الشيء ال…كثير !! وعندما اقولها فانني اقولها على استحياء لأنها ليست من الفضائل .. واتمنى وادعو دائما الى العقل مثلما اسميته قبل اليد .. وادعو الله ان يزرع فيَ ذلك قبل غيري

    اشكرك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

 
%d bloggers like this: